【我不需要應聲蟲】- 毛毛蟲效應 (Caterpillar Effect)
#不是只SayYes的員工 #人力資源管理學 #毛毛蟲效應 #UCD
-----------------------------------
職場上有—種動物，從來都唔敢逆老細意旨，完全無自己主見，老細想行左定打右甚至倒後行，全部「二仔底照跟」，麻木相信絕對服從就係辦公室生存之道，可以稱為「應聲蟲」，而公司總會遇到一兩個，比見到波音蝠更容易。
然而當成間公司都係「應聲蟲」，老細一個決定一聲令下大家就不顧後果向前衝，明知前面就係懸崖都照衝，最後”Jumped. Then I changed my mind.”都已經後悔莫及。曾經有昆蟲學家做過一個實驗，將好多毛毛蟲首尾相接放花盆邊緣上面，每條毛毛蟲都好有規律跟住前面不斷圍住花盆邊行，雖然花盆隔離就放住最鍾意食的松葉，但毛毛蟲只係繼續漫無目的日復日咁行，直到最後全部攰死同餓死。研究發現毛毛蟲有個特性就係慣性跟住前面向前行，而因為盲目跟從最後導致失敗就被稱為「毛毛蟲效應」。
職場上你以為同其他人一樣只需適當時候點點頭就可茍且生存，無錯你未必會墮崖而死，但要成功上位就一定無你份，因為公司平庸附和者何其多，有勇氣大膽指出上級錯誤者少，再強的領導都會遇到盲點、迷網時候，此時如果你可以企出黎俾到中肯參考意見，不但有機會救返公司，仲有機會令自己仕途提升，而向上級提出你想法時都要注意自己態度同方法，最好就有客觀資料去支持自己理據。
Say Yes唔難，學懂Say No的技術先係高深學問。
毛毛蟲效應(Caterpillar Effect)參考資料:
http://www.twword.com/wiki/毛毛蟲效應
Search